စိုးရိမ်နေကြသည့်အိမ်နားကတာဝါတိုင်

 ဆက်သွယ်ရေး တာဝါတိုင် စိုက်ထူ ထားစဉ် / ဓာတ်ပုံ - ကျော်ဇင်သန်း

မိမိ အိမ်နှင့် ဆယ်ပေ အကွာတွင် ထိုးထိုး ထောင်ထောင် ထွက်နေသည့်
ဆောက်လုပ်ဆဲ မိုဘိုင်း ဆက်သွယ်ရေး တာဝါတိုင်ကို ဆက်လက် ဆောက်ခွင့်
မပြုရန် ဒေါက်တာ အလင်္ကာနှင့် အိမ်နီးချင်း လမ်းသူ လမ်းသားများ စုပေါင်း
တိုင်ပင် ခဲ့ကြသည်။

သို့သော် တာဝါတိုင် တည်ရှိရာ မြေသည် လမ်းသူ လမ်းသားများ ပိုင်ဆိုင်သော
မြေမဟုတ်ဘဲ အစိုးရပိုင် မြေဖြစ် နေ၍ အိမ်နီး ချင်းများ အားလုံး စုပေါင်း
ကန့်ကွက် မှသာ ရပ်တန့် သွားမည့် အနေ အထား ဖြစ်သည်။

ထို့ကြောင့် ဒေါက်တာ အလင်္ကာနှင့် အိမ်နီးချင်း အင်ဂျင်နီယာ တစ်ဦးတို့
ဦးဆောင် လမ်းသူ လမ်းသား များက လူနေအိမ် များနှင့် အလွန် နီးကပ်နေ၍
ကျန်းမာရေးနှင့် သဘာဝ ဘေးအန္တရာယ် ဆိုးကျိုး များသည်ဟု ဆိုကာ ဆောက်လုပ်
နေဆဲ တာဝါတိုင်ကို အပြီးတိုင် ဖျက်သိမ်းရန် အပြင်း အထန် ကန့်ကွက်
ခဲ့ကြသည်။

''ဆက်သွယ်ရေးတာဝါတိုင်က လူနေအိမ်တွေနဲ့နီးကပ်ပြီး လက်ရှိအချိန်မှာ
ကျန်းမာရေးကို မထိခိုက်ရင်တောင် နောင်လာမယ့်မျိုးဆက်အတွက်
ကျိန်းသေထိခိုက်မှာပါ။ အဲဒါကြောင့် အစ်မတို့ရပ်ကွက်သားတွေက
လုံးဝလက်မခံဘူး''ဟု ကလေးအထူးကုဆရာဝန် ဒေါက်တာအလင်္ကာက
တာဝါတိုင်ကိုမော့ကြည့်ရင်း စိုးရိမ်တကြီးပြောသည်။

ယင်းကဲ့သို့ ကန့်ကွက်မှုများကြောင့် ဆောက်လုပ်ဆဲတာဝါတိုင်ကို ရပ်ဆိုင်းခဲ့ရသည်။

ပြည်ပဆက်သွယ်ရေးအော်ပရေတာနှစ်ခု မြန်မာနိုင်ငံအတွင်း
လုပ်ကိုင်ခွင့်ရပြီးနောက် တာဝါတိုင်တည်ဆောက်မှုပြဿနာများ
ကျယ်ကျယ်လောင်လောင်ဖြစ်လာသည်။ ကန့်ကွက်သည့်သတင်းများ မကြာခဏပေါ်ထွက်လာသည်။
မိုဘိုင်းဖုန်းကြောင့် ကျန်းမာရေးပြဿနာများ ဖြစ်ပွားနေသည်ဟူသော
သတင်းအချို့ကြောင့် ဆက်သွယ်ရေးတာဝါတိုင်များနှင့် ပတ်သက်၍
လူထု၏စိုးရိမ်မှုများ မြင့်တက်လာခဲ့သည်။

မြန်မာနိုင်ငံတွင် ၂၀၁၄ ဖေဖော်ဝါရီလဆန်းပိုင်းတွင်
ပြည်ပဆက်သွယ်ရေးအော်ပရေတာနှစ်ခုအား လုပ်ငန်းလုပ်ကိုင်ခွင့်လိုင်စင်
ပေးအပ်ပြီးနောက်ပိုင်း အဆိုပါအော်ပရေတာနှစ်ခုသည်
ဆက်သွယ်ရေးဝန်ဆောင်မှုပေးနိုင်ရန် တာဝါတိုင်များ တည်ဆောက်လာခဲ့သည်။

နှစ်ပေါင်းများစွာ တစ်ဦးတည်း ဦးဆောင်ပြေးနေသည့်
မြန်မာ့ဆက်သွယ်ရေးလုပ်ငန်းအနေဖြင့်လည်း ပြိုင်ဘက်များရှိလာချိန်၌
တာဝါတိုင်အရေအတွက်ကို တိုးချဲ့ခဲ့သည်။

မူလက တစ်နိုင်ငံလုံးတွင် ဆက်သွယ်ရေးတာဝါတိုင် ၁,၀၀၀ ကျော်သာရှိခဲ့ပြီး
အော်ပရေတာသုံးခု ယှဉ်ပြိုင်ချိန်၌ တစ်နှစ်အတွင်း ဆက်သွယ်ရေးတာဝါတိုင်
၎,၀၀၀ ကျော်ထိ တိုးပွားလာခဲ့ခြင်းဖြစ်သည်။

မြန်မာနိုင်ငံ၌ မြို့နယ်ပေါင်း ၃၂၂ ခုတွင်
မိုဘိုင်းဆက်သွယ်ရေးစခန်းပေါင်း ၆,၀၀၀ ကျော်ရှိပြီး
မိုဘိုင်းဖုန်းအသုံးပြုသူပေါင်း ၂၁ သန်းကျော်ရှိကြောင်း ဆက်သွယ်ရေးနှင့်
သတင်းအချက်အလက် နည်းပညာဝန်ကြီးဌာနက ထုတ်ပြန်သည်။

ပြီးခဲ့သည့် ခြောက်လခန့်မှ စတင်ကာ မြန်မာနိုင်ငံ၏
ဆက်သွယ်ရေးမိုဘိုင်းဖုန်းသိပ်သည်းဆနှုန်းသည် သိသာထင်ရှားစွာ
တိုးပွားလာသည့်နည်းတူ ဆက်သွယ်ရေးလုပ်ငန်းအတွက် မရှိမဖြစ်
တာဝါတိုင်များကို လူနေတိုက်တာခေါင်မိုးနှင့် အစိုးရပိုင်
ခြံဝင်းများအတွင်း ခပ်စိပ်စိပ်မြင်တွေ့ရမည်ဖြစ်သည်။

ဆက်သွယ်ရေးအော်ပရေတာများသည် ၎င်းတို့၏ကွန်ရက် ကောင်းမွန်ရန်
တာဝါတိုင်များကို လူနေသည့် တိုက်တာခေါင်မိုးပေါ်တွင်ဖြစ်စေ၊
လူနေရပ်ကွက်တွင်းရှိ ခြံဝင်းတွင်ဖြစ်စေ၊ အစိုးရပိုင်ဌာနဆိုင်ရာ
ဝင်းထဲတွင်ဖြစ်စေ နေရာအနှံ့စိုက်ထူလာခြင်းဖြစ်သည်။

၂၀၁၄ ဒီဇင်ဘာက လှည်းကူးမြို့နယ်အတွင်းရှိ ဒါးပိန်ကျေးရွာတွင်
တာဝါတိုင်တည်ဆောက်ရန်စီစဉ်နေခြင်းကို ဒေသခံ ၁၀၀ ခန့်က
ဝိုင်းဝန်းကန့်ကွက်ခဲ့ကြသည်။ ယင်းဖြစ်ရပ်သည်လည်း
ကျန်းမာရေးထိခိုက်မှုရှိလာမည်ကို ဒေသခံများက
စိုးရိမ်နေခြင်းကြောင့်ဖြစ်သည်။

သို့ရာတွင် ဆက်သွယ်ရေးတာဝါတိုင်များကြောင့် လူ့ကျန်းမာရေးကို မည်ကဲ့သို့
ဆိုးကျိုးဖြစ်မည်နှင့် မည်သည့်ရောဂါများခံစားရနိုင်သည်ကို
တိတိကျကျမသိရှိကြောင်း ဒေသခံတစ်ဦးကပြောသည်။

''ကာလကြာရှည် ဖုန်းအရမ်းပြောတဲ့သူတွေ ကင်ဆာရောဂါ ဖြစ်နိုင်တယ်ဆိုတာ
သတင်းစာတွေထဲမှာ ဖတ်ဖူးတယ်။ ပြီးတော့ ဒီတာဝါတိုင်က
လူနေရပ်ကွက်အတွင်းမှာဆိုတော့ အားလုံးအတွက် အန္တရာယ်ဖြစ်မယ်ထင်လို့ အခုလို
ကန့်ကွက်ကြတာပါ''ဟု ၎င်းကဆိုသည်။

ဆက်သွယ်ရေးအော်ပရေတာဖြစ်စေ၊ တာဝါတိုင်သီးသန့်ဆောက်လုပ်သည့်ကုမ္ပဏီဖြစ်စေ
လူနေခြံဝင်းနှင့် တိုက်တာခေါင်မိုးပေါ်တွင် တာဝါတိုင်ဆောက်လုပ်ရန်
အိမ်ပိုင်ရှင်၊ ခြံပိုင်ရှင်များနှင့် ငှားရမ်းခညှိနှိုင်းရပြီး
အစိုးရပိုင် ဌာနဆိုင်ရာဝင်းအတွင်းဖြစ်ပါက ရန်ကုန်မြို့တွင်း တစ်လလျှင်
ကျပ်သုံးသိန်းခန့်နှင့် မြို့ပြင်တစ်လလျှင် ကျပ်နှစ်သိန်းခန့်ဖြင့်
ငှားရမ်းရလေ့ရှိသည်။

မြေအလွတ်ရှိသူ ခြံပိုင်ရှင်၊ အိမ်ပိုင်ရှင်များသည် ၁၀ ပေနှင့် ၈ ပေအကြား
မြေကွက်လပ်အတွက် တစ်လလျှင် ကျပ်သုံးသိန်းခန့်ရရှိပြီး မက်မောလောက်သည့်
နှစ်ရှည်စာချုပ်ချုပ်ဆိုခြင်းကြောင့် တာဝါတိုင်မှထုတ်လွှင့်သည့်
ရေဒီယိုလှိုင်းများနှင့် သံလိုက်စက်ကွင်းများကို ဂရုမပြုနိုင်ဘဲ
အော်ပရေတာနှင့် တာဝါတိုင်ဆောက်လုပ်သည့်ကုမ္ပဏီများ၏ ကမ်းလှမ်းမှုများကို
ငြင်းဆန်နိုင်စွမ်းမရှိကြဟုဆိုသည်။

မိုဘိုင်းဆက်သွယ်ရေးကဏ္ဍ ဖွံ့ဖြိုးတိုးတက်ရေးအတွက် ရေဒီယိုစခန်းများ
တိုးချဲ့တည်ဆောက်သည့်အပေါ်တွင် ပြည်သူများက ကျန်းမာရေးဆိုင်ရာ
စိုးရိမ်မှုများရှိနေ၍ နိုင်ငံတကာသုတေသနများနှင့်အညီ
ကျန်းမာရေးနှင့်စပ်လျဉ်းပြီး မှန်ကန်သော အသိပညာများပေးနိုင်ရန်
ဆောင်ရွက်လျက်ရှိကြောင်း ဆက်သွယ်ရေးနှင့် သတင်းအချက်အလက်
နည်းပညာဝန်ကြီးဌာန ပြည်ထောင်စုဝန်ကြီး ဦးမြတ်ဟိန်းက ပြောကြားထားသည်။

ပြီးခဲ့သည့်မတ်လက အပြည်ပြည်ဆိုင်ရာမိုဘိုင်းအော်ပရေတာအဖွဲ့ (GSMA)၊
နိုင်ငံတကာဆက်သွယ်ရေးကွန်ရက် တည်ဆောက်သောကုမ္ပဏီ Ericsson တို့မှ
သုတေသနပညာရှင်များနှင့် ဆက်သွယ်ရေးအော်ပရေတာသုံးခုတို့ ပူးပေါင်းကာ
ရန်ကုန်နှင့် မန္တလေးတို့တွင်ရှိသော တာဝါတိုင်များကို ၁၀ ရက်ကြာ
တိုင်းတာမှုများပြုလုပ်ခဲ့သည်။

ဆက်သွယ်ရေးတာဝါတိုင်များမှ ထုတ်လွှင့်သော ရေဒီယိုလှိုင်းများသည်
အလွန်အားနည်းသည့်အတွက် ပြည်သူများ ကျန်းမာရေးထိခိုက်ဖွယ်ရှိသည်ဟု
ယူဆရသည့် သက်သေအထောက်အထားများကို နိုင်ငံတကာမှ သိပ္ပံပညာရှင်များ
မတွေ့ရှိသေးကြောင်း GSMA က ဆိုသည်။

''တာဝါတိုင်တွေက ကျန်းမာရေးထိခိုက်စေတယ်ဆိုတဲ့ အထောက်အထားမျိုးကို
နိုင်ငံတကာက သိပ္ပံပညာရှင်တွေဟာ ရှာဖွေတွေ့ရှိထားတာမျိုး မရှိသေးပါဘူး။
မြန်မာနိုင်ငံက အော်ပရေတာတွေ သုံးနေတဲ့ နည်းပညာနဲ့ စက်ပစ္စည်းတွေကလည်း
နိုင်ငံတကာစံသတ်မှတ်ချက်တွေနဲ့ ညီညွတ်မှုရှိတယ်ဆိုတာကို မကြာခင်က
တိုင်းတာတွေ့ရှိခဲ့ပါတယ်''ဟု GSMA ဒါရိုက်တာ Dr.Jack Rowley ကပြောသည်။

လက်ရှိတွင် မြန်မာနိုင်ငံသည် ကမ္ဘာ့ကျန်းမာရေးအဖွဲ့ (WHO) နှင့်
အပြည်ပြည်ဆိုင်ရာဆက်သွယ်ရေးအဖွဲ့ (ITU) တို့၏ သတ်မှတ်ချက်များနှင့်အညီ
ဆောင်ရွက်နေကြောင်း ဦးမြတ်ဟိန်းက ပြောကြားထားသည်။

သို့သော်လည်း မြန်မာနိုင်ငံရှိ ဆက်သွယ်ရေးတာဝါတိုင်များမှ ထုတ်လွှင့်သည့်
ရေဒီယိုလှိုင်းပမာဏသည် ပြည်သူများအား အန္တရာယ်မဖြစ်နိုင်ဟုသာ ကြေညာထားပြီး
လှိုင်းနှုန်းပမာဏ မည်မျှများပြားလျှင် ကျန်းမာရေးထိခိုက်နိုင်သည်၊
မည်သည့်ပမာဏအောက်ဆိုလျှင် စိုးရိမ်ဖွယ်မရှိဟုသော အခြေအနေများနှင့်ပတ်သက်၍
သက်ဆိုင်ရာအဖွဲ့အစည်းများက အချက်အလက်အကိုးအကားဖြင့် အသိပညာပေးခြင်းမရှိ။
ထို့အပြင် ယင်းအချက်ကို အချိန်ပြည့်လေ့လာတိုင်းတာပြီး
စောင့်ကြည့်စစ်ဆေးသည့် အဖွဲ့အစည်းမရှိသေးပေ။
ဆက်သွယ်ရေးညွှန်ကြားမှုဦးစီးဌာနက ဆက်သွယ်ရေးအော်ပရေတာများ၏
လုပ်ဆောင်ချက်အားလုံးကို စောင့်ကြည့်ကြီးကြပ်ရသော်လည်း
တာဝါတိုင်နှင့်ပတ်သက်၍ ပြည်သူလူထုအား ပွင့်လင်းမြင်သာစွာ
ကျန်းမာရေးအသိပေးခြင်းမရှိသေို့သော်လည်း မြန်မာနိုင်ငံရှိ
ဆက်သွယ်ရေးတာဝါတိုင်များမှ ထုတ်လွှင့်သည့် ရေဒီယိုလှိုင်းပမာဏသည်
ပြည်သူများအား အန္တရာယ်မဖြစ်နိုင်ဟုသာ ကြေညာထားပြီး လှိုင်းနှုန်းပမာဏ
မည်မျှများပြားလျှင် ကျန်းမာရေးထိခိုက်နိုင်သည်၊
မည်သည့်ပမာဏအောက်ဆိုလျှင် စိုးရိမ်ဖွယ်မရှိဟုသော အခြေအနေများနှင့်ပတ်သက်၍
သက်ဆိုင်ရာအဖွဲ့အစည်းများက အချက်အလက်အကိုးအကားဖြင့် အသိပညာပေးခြင်းမရှိ။
ထို့အပြင် ယင်းအချက်ကို အချိန်ပြည့်လေ့လာတိုင်းတာပြီး
စောင့်ကြည့်စစ်ဆေးသည့် အဖွဲ့အစည်းမရှိသေးပေ။
ဆက်သွယ်ရေးညွှန်ကြားမှုဦးစီးဌာနက ဆက်သွယ်ရေးအော်ပရေတာများ၏
လုပ်ဆောင်ချက်အားလုံးကို စောင့်ကြည့်ကြီးကြပ်ရသော်လည်း
တာဝါတိုင်နှင့်ပတ်သက်၍ ပြည်သူလူထုအား ပွင့်လင်းမြင်သာစွာ
ကျန်းမာရေးအသိပေးခြင်းမရှိပေ။

မြန်မာနိုင်ငံသည် နိုင်ငံတကာတွင် အသုံးပြုလျက်ရှိသော
မိုဘိုင်းစက်ပစ္စည်းများကိုသာ အသုံးပြုထားကြောင်းတွေ့ရပြီး
တာဝါတိုင်မြင့်လျှင် သံလိုက်စက်ကွင်းများ ပို၍ထုတ်လွှင့်နိုင်သည်ဟု
လူအများက ယူဆကြသော်လည်း သံလိုက်စက်ကွင်းများကို ယင်းတာဝါတိုင်များက
ထုတ်လွှင့်ခြင်းမဟုတ်ဘဲ တာဝါတိုင်ထိပ်ရှိ အင်တင်နာများက
ထုတ်လွှင့်သည့်အတွက် မြေပြင်တွင် သံလိုက်စက်ကွင်းအနည်းငယ်သာရှိကြောင်း
GSMA သုတေသနဆိုင်ရာ ဒါရိုက်တာ Dr.Jack Rowley က ရှင်းပြသည်။

မိုဘိုင်းဖုန်းနှင့် ဆက်သွယ်ရေးတာဝါတိုင်များမှ ထုတ်လွှင့်သည့်
ရေဒီယိုလှိုင်းများနှင့် သံလိုက်စက်ကွင်းများသည် သုံးစွဲသူနှင့်
ဘေးပတ်ဝန်းကျင်ရှိလူများအား ကျန်းမာရေးအရ ဆိုးကျိုးများ
ဖြစ်ပေါ်စေနိုင်သည်ဟု နိုင်ငံတကာစစ်တမ်းအချို့က စာရင်းပြုစုသည်။
သို့သော်လည်း ကင်ဆာကဲ့သို့သော လူ၏ကျန်းမာရေးကို ဆိုးရွားစွာ
ထိခိုက်စေမည့်အန္တရာယ်ရှိမှု၊ မရှိမှုအတွက် တိကျစွာအဖြေထွက်ပေါ်ရန်
ဆေးဘက်ဆိုင်ရာ သက်သေအချက်အလက်နှင့် ယုံကြည်နိုင်ဖွယ်ရှိသည့်
အတည်ပြုချက်များ လိုအပ်နေဆဲဖြစ်သည်။ ထို့အပြင် နိုင်ငံတကာတွင်
တာဝါတိုင်များကို ဆက်သွယ်ရေးကုမ္ပဏီများက လူနေအိမ်နှင့်
မည်သည့်အကွာအဝေးတွင် ဆောက်လုပ်သင့်ကြောင်းကို
တိကျစွာသတ်မှတ်ထားခြင်းမရှိဘဲ နိုင်ငံအလိုက်
ကိုယ်ပိုင်စည်းကမ်းဥပဒေများဖြင့်သာ လုပ်ဆောင်လေ့ရှိသည်။

''ပြည်သူအများစုက တာဝါတိုင်တွေကထွက်တဲ့ ရေဒီယိုသံလိုက်လှိုင်းတွေဟာ
ကျန်းမာရေးကို ထိခိုက်နိုင်တယ်ဆိုပြီး စိုးရိမ်နေတာတွေ့ရတယ်။
ကျွန်တော့်အနေနဲ့ ပြောချင်တာကတော့ ကြိုးမဲ့ဖုန်းဆက်သွယ်မှုစနစ်ဟာ
အိမ်တွေမှာ သုံးနေတဲ့ လျှပ်စစ်ပစ္စည်းတွေလောက်တောင်
လှိုင်းနှုန်းထုတ်လွှင့်မှုမပြင်းထန်ဘူးဆိုတာပါပဲ''ဟု
ပြည်ပဆက်သွယ်ရေးအော်ပရေတာ တယ်လီနောမြန်မာ၏ စီအီးအို မစ္စတာပီတာဖာဘတ်က
ပြောသည်။

မည်သို့ပင်ဆိုစေကာမူ လူနေအိမ်များနှင့် နီးကပ်စွာ
ဆက်သွယ်ရေးတာဝါတိုင်စိုက်ထူခြင်းသည် ကျန်းမာရေးအတွက်
လတ်တလောအန္တရာယ်မဖြစ်နိုင်ပါကလည်း မြန်မာနိုင်ငံ၏ ငလျင်ကြောကြောင့် အချိန်မရွေး အသက်အန္တရာယ်ရှိနိုင်၍ လူနေအိမ်များနှင့် အကွာအဝေးကို သတိချပ်စေလိုကြောင်း ဆောက်လုပ်ရေးအင်ဂျင်နီယာတစ်ဦးက ထောက်ပြသည်။
‘‘ဆက်သွယ်ရေးကောင်းဖို့အတွက် တာဝါတိုင်တွေက အများကြီးထပ်စိုက်နေရဦးမှာပဲ။ ဒါပေမဲ့ နိုင်ငံတကာက သတ်မှတ်ထားတဲ့ စံနှုန်းဆိုတာရှိတယ်။ အဲဒီထက်ကျော်ရင်တော့ ကျန်းမာရေးထိခိုက်မှုကဖြစ်မှာပဲ။ ဒါကြောင့် တာဝါတိုင်စိုက်တယ်ဆိုရင် ပွင့်လင်းမြင်သာမှုရှိဖို့ ပြတ်ပြတ်သားသားလုပ်ထားရမယ်’’ဟု ကျန်းမာရေးဝန်ကြီးဌာန လုပ်ငန်းခွင်နှင့် ပတ်ဝန်းကျင် ကျန်းမာရေးဌာန ဒုညွှန်ကြားရေးမှူး ဒေါက်တာကြည်လွင်ဦးက သုံးသပ်ပြောကြားသည်။